Ўзбекистонликлар орасида ажралиш ҳолатлари кўпайди — Статистика қўмитаси

Миллий статистика қўмитаси маълумотларига кўра, жорий йилнинг январь–июнь ойларида 23,3 мингта ажралиш ҳолати қайд этилган.

Бу кўрсаткич ўтган йилнинг шу даврига нисбатан 800 тага кўпдир.

Ажралишларнинг аксар қисми — 14,1 мингтаси (60,6%) шаҳар жойларда, 9,2 мингтаси (39,4%) эса қишлоқ ҳудудларда содир бўлган.

Ҳудудлар кесимида энг кўп ажралиш Тошкент шаҳри (1,5 минг), Тошкент вилояти (1,2 минг) ва Фарғона вилоятида (1,2 минг) қайд этилган. Энг кам ажралиш ҳолати эса Навоий вилоятида кузатилган — 310 та.

2025 йилнинг биринчи ярмида 95,3 мингта никоҳ қайд этилган. Бу кўрсаткич 2024 йилнинг мос даврига (97,4 минг) нисбатан 2,1 мингтага камайган.

Жами никоҳларнинг 48,7 мингтаси (51,1%) шаҳар жойларда, 46,6 мингтаси (48,9%) эса қишлоқларда тузилган.