Ўзбекистон Швейцария билан Жаҳон савдо ташкилотига аъзо бўлиш бўйича икки томонлама музокараларни якунлади. Бу ҳақда Президентнинг ЖСТ бўйича вакили Азизбек Ўрунов маълум қилди.
Икки томонлама музокараларни якунлаш тўғрисидаги баённома 21 июль куни Женевада имзоланди.
Азизбек Ўрунов икки мамлакат жамоаларига машаққатли ва конструктив иш учун миннатдорлик билдирди.
"Бор-йўғи бир неча мамлакат қолди! Узун рўйхат аста-секин кичрайиб бормоқда, тескари саноқ бошланди!" — деб ёзди Президент вакили LinkedIn’даги саҳифасида.
Швейцария бозорга кириш бўйича икки томонлама музокараларни якунлаган 25-давлат бўлди. Июн ойида позициялар Буюк Британия билан келишилди.
Комментарии