Ижтимоий тармоқларда Андижонда трансформатор будкаси ичида 4 ёшли қизчани ток ургани айтилган видеохабар тарқалди.
"Ҳудудий электр тармоқлари" АЖ Андижон вилоят филиалининг маълум қилишича, 13 июль куни Андижон туманидаги аҳоли пунктларидан бирида жойлашган кўп қаватли уйнинг ертўласида 35/04 кВ кучланишли ва 1000 кВА қувватли трансформатор подстанциясида қисқа туташув содир бўлган.
Аниқланишича, қизалоқнинг мушуги эшик тирқишидан ертўлага югуриб кириб, юқори кучланишда ишлаётган трансформаторнинг ичига кирган ва қисқа туташув содир бўлган. Чақнаш вақтида эшик ортидан мушукни кузатиб турган қизчанинг юзи куйган.
Қайд этилишича, қизчага зудлик билан биринчи тиббий ёрдам кўрсатилиб, шифохонага ётқизилган. Ҳозирда унинг аҳволи барқарор деб баҳоланмоқда.
Комментарии