2025–2026 ўқув йили учун олий таълим муассасаларининг бакалавриатига абитуриентларни онлайн рўйхатга олиш якунланди. Қабул якунига кўра онлайн рўйхатдан ўтган абитуриентлар сони 732 411 нафарни ташкил этди. Бу ҳақда Билимни баҳолаш агентлигининг Тест синовларини ташкил этиш ва назорат қилиш бўлими бошлиғи Жамшидбек Одилов хабар қилди.
Қайд этилишича, абитуриентларнинг таълим тили бўйича тақсимоти:
Ўзбек тили — 644 027 нафар;
Рус тили — 71 476 нафар;
Қорақалпоқ тили — 14 959 нафар;
Бошқа тиллар — 1 949 нафар.
Абитуриентларнинг гендер таркиби бўйича тақсимоти:
эркаклар — 346 299 нафар;
аёллар — 386 112 нафар.
Маълумот учун: рўйхатдан ўтган абитуриентлар тест синови учун тўловни бугун, 26 июнь куни соат 23:59 га қадар амалга оширишлари мумкин.
Комментарии