Бразилиянинг Прая-Гранде шаҳрида ҳаво шари қулаши оқибатида камида саккиз киши ҳалок бўлди, деди Санта-Катарина штати губернатори Жоргинё Мелло, дея хабар бермоқда BBC.
Маълум қилинишича, ҳаво шари юқорига кўтарилгач, сават ичида ёнғин бошланган. Учувчи аппаратни зудлик билан тушира бошлаган ва ҳаво шари ерга жуда яқин бўлгач, одамларга сакрашни буюрган.
"Аланга кучайиб, шар яна юқорига кўтарилиб кетган. Кейинроқ у шокиласи йўқолгани сабабли қулаб тушга", - дейди полиция вакили.
Шар саватида жами 21 киши бўлган. Улардан 13 нафари, жумладан учувчи омон қолган, улар шифохонага ётқизилган, бедарак йўқолганлар йўқ, деб хабар берди штат ҳукумати матбуот хизмати. Хабар қилинишича, ҳаво шари тиббиёт маркази яқинида қулаган.
Губернатор Мелло ўз ихтиёридаги барча ресурслар жабрланганларга ёрдам бериш ва қурбонлар оилаларини қўллаб-қувватлаш учун фойдаланилаётганига ишонтирди.
"Биз мотамдамиз, содир бўлган воқеа фожиа". "Биз нима учун бу содир бўлганини аниқлаймиз. Аммо ҳозир энг муҳими, одамлар ва оилалар билан алоқа қилиш учун ҳамма нарсани қилишдир", - деди у.
Бразилия президенти Луиз Инасиу Лула да Силва Х платформасида "жабрланганларнинг оилалари билан бирдамлик" билдирилган хабарни жойлаштирди. У федерал ҳукумат ҳар қандай ёрдам кўрсатиш учун маҳаллий ҳокимият органлари билан яқиндан ҳамкорлик қилишига ишонтирди.
Маълумот учун, Праиа Гранде Санта-Катарина штатининг жанубида жойлашган ва машҳур сайёҳлик масканидир. Шаҳар ўзининг ҳаво шарларидаги фаолияти билан машҳур.
Комментарии