Аввалроқ, ижтимоий тармоқларда никоҳ тўйи маросимида ёш катта отахон транспорт воситасини бошқариш давомида йўл безорилигини содир этганлиги ҳолати акс этган видео тарқалди. Ҳолат юзасидан Самарқанд вилояти ИИБ ЙҲХБ муносабат билдирди.
Қайд этилишича, Пастдарғом тумани "Қаршиобод" маҳалла фуқаролар йиғини ҳудудидан ўтувчи ички йўлда бир гуруҳ транспорт воситалари ҳайдовчилари никоҳ тўйи маросимида транспорт воситаларининг йўналишини кескин ўзгартириб, гуруҳ-гуруҳ бўлиб ҳаракатланишган. Улар орасида ёши катта отахон ҳам гуруҳга қўшилиб, қоидаларни бузган.
Ушбу қоидабузар ҳайдовчиларга нисбатан МЖтКнинг 128-прим 10-биринчи қисми ҳамда 129-моддасига асосан қонуний тартибда чоралар кўрилиб, транспорт воситалари вақтинчалик сақлаш жарима майдончаларига олиб келиб қўйилган.
Комментарии