Сув хўжалиги соҳасидаги ҳуқуқбузарликлар ҳақида фото ва видеоматериалларни v-nadzor.gov.uz веб-сайти орқали юборган шахслар ҳуқуқбузардан ундирилган жарима ҳисобидан БҲМнинг 25 фоизи миқдорида пул мукофоти билан рағбатлантирилади.
Қайд этилишича, фото ва видеоматериалларда қуйидагилар акс эттирилиши лозим:
— содир этилган ҳуқуқбузарлик;
— ҳуқуқбузарлик содир этган шахс тўғрисидаги маълумотлар (агар мавжуд бўлса);
— ҳуқуқбузарлик содир этилган манзил, аниқланган сана ва вақт.
Рағбатлантириш жарима ундирилган кундан бошлаб 15 кун муддатда амалга оширилади.
Комментарии