2025 йил 9 июнь куни Исроил ҳарбий-денгиз кучлари Ғазо секторига гуманитар ёрдам олиб кетаётган Madleen кемасини тўхтатди ва уни назоратга олди. Ушбу кемада турли халқаро фаоллар, жумладан, иқлим ўзгаришига қарши курашувчи швед фаоли Грета Тунберг ҳам бўлгани хабар қилинмоқда.
Исроил расмийларига кўра, кема Исроил томонидан белгиланган денгиз блокадасини бузган ҳолда Ғазо сўҳилига қараб йўл олган. Блокада қоидаларига зид равишда ҳаракат қилгани учун кема тўхтатилган ва портга олиб кетилган. Барча йўловчилар ўз мамлакатларига депортация қилинади.
Фаоллар, жумладан, Грета Тунберг, мазкур сафарни "инсонпарварлик миссияси" сифатида баҳолашган ва уларнинг асосий мақсади Ғазодаги фаластинлик аҳолига озиқ-овқат ва тиббий ёрдам етказиш бўлганини таъкидлашмоқда.
“Кема шафқатсизларча миниб олинди, унинг қуролсиз экипажи ўғирлаб кетилди, унинг юклари, жумладан, чақалоқ формуласи, озиқ-овқат ва тиббий буюмлар мусодара қилинди”, дейилади хабарларда. Унда айтилишича, кема халқаро сувларда Ғазодан 200 километр узоқликда қўлга олинган.
Айни пайтда халқаро ташкилотлар ва инсон ҳуқуқлари бўйича фаоллар ушбу воқеа юзасидан ўз эътирозларини билдиришмоқда ва Исроилни инсонпарварлик ёрдамига тўсиқ бўлаётганликда айбламоқда.
Комментарии