Куни кеча Тошкент шаҳар Миробод туманида электросамокатларда ёнғин содир бўлгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ФВБ Матбуот хизмати маълумот берди.
Унга кўра, кеча, 30 май куни соат 08:03 да Тошкент шаҳар Миробод тумани Ислом Каримов кўчасида жойлашган 25-уй олдида электросамокатлар ёниб кетган.
Воқеа содир бўлган жойга ёнғин-қутқарув экипажлари айтилган манзилга соат 08:07 да етиб борган ва ёнғин ўчирилган.
"Ёнғин оқибатида жабрланганлар йўқ. Ҳозирда ёнғин сабаби ва келтирилган моддий зарар аниқланмоқда," - дейилади хабарда.
Комментарии