Япония пойтахти Токио шаҳрининг Шибуя туманида ўтган йилнинг декабрь ойида содир этилган ўғирлик ва ҳужум бўйича 20 ёшлар атрофидаги беш нафар ўзбекистонлик йигит ҳибсга олинди. Бу ҳақда NTV телеканали Токио полициясига таянилиб хабар берди.
Маълумотларга кўра, 2024 йил 30 декабрь куни соат 05:30 да Шибуя туман "Маруяма-чо" маҳалласида улар уч нафар чет эллик эркак ва аёл билан уриш бошлаб, уларнинг 210 минг иена қийматидаги ҳамён ва сумкаларини ўғирлаган. Улар эркаклардан бирига юзига тепиб, жароҳат етказган.
Полиция маълумотига кўра, тўрт нафари Японияда ноқонуний равишда 2023 йилнинг августидан 2024 йилнинг февралигача Шибуя ва Шинжуку кўнгилочар туманларида 10 ҳолатда маст инсонлардан ўғирланган кредит карталари орқали харид қилинган смартфонларни қайта сотиш орқали 8 миллион иена ишлаб топган.
Полиция сўзларига кўра, гуруҳ етакчиси деб ҳисобланаётган 21 ёшли йигит адвокат билан учрашмагунча гапиришдан бош тортмоқда. Қолган тўрт гумондор эса айбловларни рад этган.
Комментарии