Экология вазирлиги Давлат экологик назорат инспекцияси томонидан Самарқанд вилояти Жомбой тумани ҳудудидан оқиб ўтувчи “Оқдарё” дарёсининг муҳофаза этиладиган ҳудудида навбатдаги рейд тадбири ўтказилди. Бу ҳақда вазирлик Матбуот хизмати хабар қилди.
Рейд давомида дарё ҳудудида “М.Т.” фермер хўжалиги вакиллари томонидан экскаватор ва юк машиналари воситасида ҳеч қандай рухсатномасиз ноқонуний равишда қум-шағал аралашмаси қазиб олингани маълум бўлган.
Оқибатда “Табиатни муҳофаза қилиш тўғрисида”ги қонуннинг 18-моддаси ҳамда “Ер ости бойликлари тўғрисида”ги қонуннинг 35-моддаси талаблари бузилган.
Аниқланишича, табиатга 137 млрд 472 млн 370 минг 649 сўм зарар етказилган.
“Мазкур ҳолат юзасидан экскаватор ва иккита юк ташувчи транспорт воситаси жарима майдонига жойлаштирилди. Тўпланган ҳужжатлар ҳолатга ҳуқуқий баҳо бериш ва чора кўриш мақсадида Бош прокуратурага юборилди”,- дейилади хабарда.
Комментарии