"Ўзэнергоинспекция" Матбуот хизмати хабарига кўра, Хоразм вилоят ҳудудий бошқармаси вилоят прокуратураси ва ИИБ ҳамкорлигида ўтказилган назорат тадбирида Янгибозор туманида жойлашган “F. G.” МЧЖга қарашли автомобилларга газ тўлдириш компрессор шохобчаси табиий газдан ноқонуний фойдаланиб келаётгани аниқланди.
Хусусан, ушбу шохобчада газ ҳисоблаш ускунаси конфигурациясига ташқи таъсир кўрсатилгани маълум бўлди.
Ушбу қоидабузарлик натижасида, дастлабки ҳисоб-китобларга кўра, газ таъминоти корхонасига 3 миллиард 48 миллион сўмлик зарар етказилгани маълум бўлди. Мазкур ҳолат юзасидан ҳуқуқни муҳофаза қилувчи органлар томонидан терговга қадар текширув ишлари олиб борилмоқда.
Комментарии