Маълум қилинишича, Наманган вилояти ИИБ ЙҲХБ бошлиғи лавозимида фволият юритиб келган Мансур Газиев Андижон вилояти ИИБ бошлиғи ўринбосари – жамоат хавфсизлиги хизмати бошлиғи лавозимига тайинланди. Бу ҳақда ЙҲХБ Ахборот хизмати раҳбари UzNews.uz’га хабар қилди.
Аввалроқ, Мансур Газиевнинг Наманган шаҳар ҳокими Анвар Отахўжаевга қайтарган жавоб хати кенг шов-шувларга сабаб бўлган эди.
Наманган шаҳар ҳокими Анвар Отахўжаев вилоят ИИБ бошлиғидан ноқонуний ўрнатилган фоторадарларни демонтаж қилишни сўраганлиги ҳақида хабар қилган эдик.
Мурожаатда аҳоли билан учрашувлар чоғида автоматик фото ва видеокамералар қайд этган йўл ҳаракати қоидаларини бузганлик учун жарима солингани муносабати билан норозилик билдирилаётгани таъкидланган.
Шундан сўнг, Наманган вилояти ИИБ ЖХХ ЙҲХБ шаҳар ҳокимининг ноқонуний ўрнатилган радарларни олиб ташлаш ҳақидаги хатига жавоб қайтариб, ҳокимликлар тасарруфидаги машиналарда жами 100 га яқин қоидабузарликлар аниқланиб, 25 млн сўмга яқин тўланмаган жарималар борлигини таъкидлаган эди.
Комментарии