Ушбу ҳафта ўртасида ҳаво ҳарорати +43 даражагача кўтарилади

Ўзгидромет хабарига кўра, жорий йилнинг 14-16 май кунлари Ўзбекистон ҳудуди бўйича иссиқ об-ҳаво бўлиши кутилмоқда.

14 май куни Қорақалпоғистон Республикаси, Хоразм, Бухоро, Навоий, Қашқадарё, Сурхондарё вилоятларида, 15-16 майда Ўзбекистон ҳудудининг катта қисмида ҳаво ҳарорати кундуз кунлари +39...+41 даражагача, жанубда ва чўл ҳудудларда +42...+43 даражагача кўтарилади.

14-15 майда шимолда ва чўл ҳудудларда, 16-17 майда республиканинг баъзи жойларида шамол тезлиги 15-18 м/с гача кучайиши, чанг-тўзонлар билан кузатилиши кутилмоқда. 17 майда айрим жойларда баъзида шамол 20-22 м/с гача кучайиши мумкин.