Жамғарма матбуот хизматининг UzNews.uz’га маълум қилишича, факультет Тошкентдаги Халқаро Вестминстер университети қошида ташкил этилган бўлиб, у ижодий тадбиркорлик, рақамли технологиялар, креатив менежмент ва маданият сиёсати соҳалари учун мутахассислар тайёрлашга қаратилган.
Таълим дастури халқаро экспертлар иштирокида ишлаб чиқилган ва минтақавий хусусиятларга мослаштирилган. Шунингдек, креатив индустрияларни бошқариш бўйича магистратура дастури ҳам ушбу университет базасида амалга оширилади.
Маданият ва санъатни ривожлантириш жамғармаси вакили Гаянэ Умерованинг таъкидлашича, ушбу факультет янги авлод маданий етакчилари ва тадбиркорларини тайёрлаш платформасига айланади. Лойиҳа мамлакатда барқарор креатив иқтисодиёт инфратузилмасини шакллантириш бўйича кенг қамровли стратегиянинг бир қисми ҳисобланади.
Комментарии