Аввалроқ, Сурхондарёда бир аёл ўзининг қизи ва опаси билан кундошининг орқасидан бориб, дўппослагани ҳамда ўзи билан олиб келган қайчи билан кундошининг сочларини кесиб ташлагани ҳақида хабар бергандик.
Кундошига тан жароҳати етказган аёл ва унинг опасига суд ҳукми ўқилди.
Унга кўра, айбланувчиларнинг ҳар иккисига 3 йил 6 ой озодликдан маҳрум қилиш жазоси тайинланди. Жабрланувчи эса воқеа қандай бўлганини айтиб берди.
"Ўғлимни коляскада етаклаб кетаётган вақтим, уч киши (судланувчи икки аёл ва вояга етмаган қиз — таҳрир) орқамдан келиб, сочимдан ушлаб, ерга ағдариб, ўзлари билан олиб келган қайчиси билан сочларимни кесди. Буни видеога ҳам олишди", - дейди жабрланган аёл.
Шунингдек, у суд ҳукмни енглаштиришни сўради.
"Оз муддат ўтирган бўлса ҳам қилган ишларидан пушаймон бўлган. Қамалишга доир бўлмаган жазо берилишини сўрайман. Чунки, иккисини ҳам 2 ёшга тўлмаган болалари бор", - дейди у.
Аммо, айбдорларга берилган жазо ўзгартиришсиз қолдирилди.