Излаш
RUUZ

Ҳодисалар

Тошкентда Tracker ЙПХ инспекторини уриб кетди

ИИВ ЙҲХББ интернетда тарқалган видеолавҳа бўйича маълумот берди.

922views0replies
0

Видеодан кадр

Ижтимоий тармоқларда Тошкент шаҳар ИИББ ходимига нисбатан содир бўлган ЙТҲ ҳақидаги видеолавҳалар тарқалмоқда. ИИВ ЙҲХББ мазкур ҳолат юзасидан маълумот берди.
Маълум қилинишича, ушбу ҳодиса Юнусобод тумани Амир Темур кўчасида содир бўлган.
Тошкент шаҳар ИИББ ЙҲХБ ЙПХБ инспектори кичик сержант Анвар Отабоев хизмат вазифасини ўташ жараёнида, 1973 йилда туғилган Ш.У. бошқарувидаги Cobalt'ни ҳуштак ва жезл орқали тўхтатган вақтида, унинг орқасидан ҳаракатланиб келаётган, 1989 йилда туғилган К.У. Tracker'ни йўқотиб, Cobalt билан тўқнашган ва хизмат олиб бораётган ЙҲХБ инспекторини уриб юбориб, ағдарилиб дарахтга урилган.
ЙТҲ натижасида, ЙҲХБ инспектори ҳамда Tracker'нинг йўловчиси Д.У. тан жароҳатлари олиб касалхонага ётқизилган.
Мазкур ҳолат юзасидан ЖКнинг 266-моддаси 1-қисми билан жиноят иши қўзғатилган. Тергов якуни бўйича тўпланган ҳужжатлар қонуний қарор қабул қилиш учун судга юборилган. Ҳозирда ЙҲХБ ходимининг аҳволи яхши.
922views0replies
0

Изоҳлар