Ўзбекистон йирик брендлар билан музокаралар ўтказади. Бу ҳақда АОКАда бўлиб ўтган матбуот анжуманида маълум қилинди.
Савдо-саноат палатаси ва “Ўзтўқимачиликсаноат” уюшмаси билан биргаликда Ҳорижий давлатларга чиқиш ва ўзбек тўқимачили маҳсулотларини глобал ишлаб чиқариш занжирига қўшиш юзасидан “Йўл харитаси” ишлаб чиқилди.
Апрель ойида Германия, Испания, Корея, Хитой, Бангладеш каби давлатларга Бизнес делегациялар юборилиши кутилмоқда.
Унда H&M, C&A, Falke каби йирик брендлар билан музокаралар ўтказиш белгиланган.
Ташқи бозорларга чиқишда тўқимачилик корхоналарида маркетинг ва мерчендайзинг соҳаларини кучайтириш мақсадида, Уюшма ва Германиянинг GIZ ташкилоти ҳамкорлигида корхоналар учун халқаро экспертлар иштирокида тренинглар ташкил этилди ва биринчи босқичда 30 та корхона билимларини ошириши белгиланган.
Қайд этилишича, сўнгги 5 йил мобайнида тўқимачилик саноати маҳсулотлари экспорти хажми кескин ошди. 2018 йилда маҳсулот экспорти 1 млрд долларни ташкил қилган бўлса, 2021 йилда бу кўрсатгич 3,05 млрд долларни ташкил этди, 2022 йилда эса 4.3 млрд долларлик маҳсулотларни ташқи бозорга етказиб бериш кўзланган.
Евроиттифоқ бозорига кириш учун 27 та халқаро конвенциялар ратификация қилинди ва бу GSP+ префенциялар тизимини ўзбек тўқимачилик маҳсулотларига божсиз кириш имконини берди.
Таъкидланишича, GSP+ берилгунга қадар 2020-2021 йилларда Евроиттифоқ бозорига 114 та товар кодлари бўйича 101 млн долларлик маҳсулот экспорт қилинган бўлса, бунда 2021-2022 й. 1 чорак (яъни GSP+ берилиши) 210 та кодлар бўйича экспорт хажми 210 га (ўсиш сурати 184%) ташкил этди.