Қозоғистоннинг FlyArystan авиакомпанияси борти Наманган халқаро аэропортига қўнди, дея хабар бермоқда UZBEKISTAN AIRPORTS Матбуот хизмати.
Ҳаво кемаси 1 март куни Олмаотадан етиб келди. Анъанага кўра, самолёт тантанали равишда сувли арка билан кутиб олинди.
Қайд этилишича, бу нафақат FlyArystan авиакомпаниясининг Наманган шаҳрига биринчи қатнови, балки Олмаота - Наманган йўналиши бўйича ҳам биринчи рейс бўлди. Яқин ойларда қатновлар чартер асосида амалга оширилади ва келгусида, доимий тўлиқ юкланган ҳолатда ушбу йўналишда мунтазам рейслар йўлга қўйилади.
Бортида 173 нафар йўловчиси бўлганAirbus А-320 самолёти Намангандан Олмаотага жўнаб кетди.