Қарорга кўра, ажратилган ҳудудда янги фойдаланувчиларга ер участкаларини тақсимлаш, мулк ҳуқуқларини расмийлаштириш, янги инвестицион лойиҳаларни амалга ошириш ва қурилиш ишлари олиб бориш вақтинча тўхтатилади.
Тошкент вилояти Кадастр бошқармасининг матбуот хизмати хабарига кўра, бу чоралар, ҳудуддаги ер ва кўчмас мулк нархининг асоссиз ошишини олдини олиш учун зарур.
Шу билан бирга, ҳудудда тўлиқ инвентаризация ишлари ўтказилади. Текширув натижасида уй-жой ва тижорат биноларининг эгалари, шунингдек, қишлоқ хўжалиги экинлари билан шуғулланувчи ер эгаларига аэропорт қурилиши билан боғлиқ зарарлар учун тўланадига компенсацияларлар миқдори аниқланади.
Эслатиб ўтамиз, илгари Президент янги аэропорт қурилишини расмий равишда бошлашга қарор қилган эди.
Аэропорт Ўрта Чирчиқ ва Куйи Чирчиқ туманлада, 1300 гектар майдонда қурилмоқда. Ушбу лойиҳа мамлакатдаги энг йирик инфратузилма объектларидан бири сифатида кўрилмоқда.
Бундан аввал, бузилиш ҳудудига тушган маҳаллаларда учрашувлар бўлиб ўтди, уларда фуқароларга уй-жой ва деҳқончилик хўжаликлари эгалари учун компенсацияларни тўлаш тартиби ва механизмлари тушунтирилди. Масалан, Ўрта Чирчиқ туманида икки маҳалла: "Халқобод" ва "Янгиқул" бузилишга тушмоқда.
Изоҳ