Михаил Волинкин нуфузли Арнольд классик-2018 мусобақасида бодибилдинг бўйича ҳаваскорлар орасида абсолют чемпионликни қўлга киритди ва Ўзбекистонга олтин медаль олиб келди. Бу ҳақда Лола-Каримова-Тиллаева Facebook ижтимоий тармоғидаги саҳифасида ёзган.
Таъкидлаш жоиз, илк маротаба Марказий Осиёлик спортчи бодибилдинг бўйича профессионал харита эгасига айланди. Энди Михаил фақат энг кучли профессионал атлетлар билан беллашади.
"Унинг ғалабаси кўплаб йигитларимизни илҳомлантирса ажаб эмас. Михаил Волинкиннинг Меҳрибонлик уйи тарбияланувчисидан олтин медалга эришган чемпионгача босиб ўтган йўли, ота-она меҳридан бебаҳра қолган кўплаб ёшларнинг юрагига умид бағишлайди", - дея таъкидлаган Лола Каримова.
Бундан ташқари, Arnolds Sports Festival мусобақасида масреслинг бўйича иштирок этиб, олтин медални ўзбекистонлик Олеся Гуреева қўлга киритган.
"Бугунги ғалабаларда мазкур спорт турларини кўп йиллардан бери Ўзбекистонда ривожлантириб келаётган турмуш ўртоғим Тимур Тилляевнинг ҳиссаси катта деб ўйлайман, ва уни бундай қувончли янгилик билан табриклайман", - дея қайд этиб ўтган Ўзбекистон Республикаси биринчи Президентининг қизи.