Аввал хабар қилганимиздек, Президент Шавкат Мирзиёев Олий Мажлис Сенати аъзоларига Мурожаатномасида республика вилоятлари ўртасидаги йўл-патруль постларини тугатишни таклиф қилди.
Давлат раҳбарининг таъкидлашича, ҳозирги вақтда вилоятлар ўртасида йўл-патруль постларининг эскича жойлашуви ҳаракатланиш эркинлигини чеклаб, савдо-иқтисодий муносабатлар, ички ва ташқи туризм ривожига салбий таъсир кўрсатмоқда.
ЎзА'да ёзилишича, Ўзбекистонда вилоятлар чегарасида жойлашган 133 та йўл-патруль ҳамда патруль-пост хизматлари постларидан 66 тасини тугатиш режалаштирилмоқда.
Вазирлик раҳбарининг таъкидлашича, постларнинг умумий сонидан 60 таси йўл-патруль хизмати маскани ва 73 таси патруль-пост хизмати стационар маскани ҳисобланади. Дастлабки ўрганишлардан кейин 66 та постни тугатиш тўғрисида ҳужжатлар тайёрланган.