UzNews.uz мухбирига ҳуқуқни муҳофаза қилиш органларидаги тегишли манбаанинг хабар беришича, коллежнинг уч нафар талабаси 2000 йилда туғилган С.Саидвохидов, 1999 йилда туғилган Р.Ёрқориев ва 2000 йилда туғилган А.Парпибоев ўртасида ўзаро жанжал келиб чиққан.
Шундан сўнг, ўқувчилар ўқув муассасаси ошхонасининг орқа тарафига чиқиб, жанжални давом эттиришган.
Келишмовчиликка аниқлик киритилгач, С.Саидвохидов ёнидаги пичоқ билан Парпибоев ва Ёрқориевларнинг чап оёқларига жароҳат етказган.
Шундан кейин, коллежнинг бошқа ўқувчилари жароҳатланганларни Республика шошилинч тиббий ёрдам илмий марказига етказишган. Аммо, кўрсатилган тиббий ёрдамга қарамасдан, олинган тан жароҳатлари сабабли А.Парпибоев вафот этган.
Мазкур ҳолат юзасидан Ўзбекистон Республикаси Жиноят кодексининг 104-моддаси 3-қисми «д» банди («жабрланувчининг ўлишига сабаб бўлган қасддан баданга оғир шикаст етказиш») аломатлари билан жиноят иши қўзғатилган.