Воқеадан бир неча соат олдин марҳум эркак шаръий никоҳдаги рафиқаси билан бирга маҳаллий кафелардан бирида спиртли ичимлик ичган. Уйга қайтиб келгач, улар ўртасида жанжал келиб чиққан. Бу вақтда эркак аёлга пичоқ билан таҳдид қила бошлаган. Бу ҳақда UzNews.uz мухбирига Деҳқонобод вилояти ҳокимлиги матбуот хизмати раҳбари Отабек Қўлдошев маълум қилди.
Бўлиб ўтган ҳолатни кузатиб турган 15 ёшли ўсмир пичоқни қўлига олиб, ўзини ва онасини ҳимоя қилмоқчи бўлиб, эркакни бир неча маротаба пичоқлаган. Жабрланувчи олган тан жароҳатлари оқибатида вафот этган.
Мазкур ҳолат юзасидан Деҳқонобод прокуратураси томонидан ЖКнинг 100-моддаси (қасддан ўлимга сабаб бўлиш зарурий мудофаа доирасидан чиқиш) билан жиноят иши қўзғатилган. Йигит процессуал тартибда ушланган.