Ижтимоий тармоқда ИИО ходимлари Lacetti ойнасини уриб синдиргани акс этган видео тарқалди. Шундан сўнг, ИИВ Ахборот хизмати ҳолатга муносабаб билдирди.
Аниқланишича, жорий йилнинг 27 ноябрь куни соат 16:10 ларда Қашқадарё вилояти, Чироқчи тумани, Коммуна МФЙ ҳудудидан ўтган ички йўлда ЙПХ ходимлари томонидан Lacetti автомашинаси тўхтатилган вақтда, ҳайдовчи ЙПХ ходимларининг қонуний талабини бажармасдан, автомобилнинг ойнаси ва эшикларини қулфлаб, автомобиль олдида турган соҳа вакилларининг устига транспортни бошқарган.
Мазкур жараёнда ходимлар томонидан махсус воситалар "дубинка" қўлланилиб, ҳайдовчини тўхтатиш чоралари кўрилганлигига қарамасдан ҳайдовчи воқеа жойидан қочиб кетган.
Ҳозирда ЙПХ ходимининг билдиргиси асосида бўйсунмай ҳаракатланган ҳайдовчи юзасидан суриштирув олиб борилмоқда.