Аввалроқ, ижтимоий тармоқларда Фарғона вилояти Данғара туманида йигит "1Xbet" қурбони бўлиб, 16 млн сўм учун ўз жонига қасд қилганлиги ҳақида хабар тарқалган.
Мазкур ҳолат бўйича Бош прокуратура матбуот котиби UzNews.uz'га маълумот берди.
Аниқланишича, 15 ноябрь куни Данғара тумани, Пишкарон МФЙ Сойсохили кўчасида яшаган 28 ёшли йигит ўзини-ўзи осиб, уз жонига қасд қилган.
Марҳумнинг ўлим сабабини аниқлаш учун судга оид тиббий экспертиза тайинланган.
Мазкур ҳолат юзасидан туман прокуратураси томонидан терговга қадар текширув ҳаракатлари ўтказилмоқда.
Эслатиб ўтамиз, аввалроқ, шу вилоятдаги давлат университети ўқитувчиси 57 млн сўмни тотализаторда ютқазиб юборгани сабаб ўзини осиб қўйгани ҳақида хабар бергандик.