Аввалроқ, ижтимоий тармоқда эркак бошқа бир фуқарони куч билан ушлаб туриб, уни йўл ҳаракати қоидабузарликларини тасвирга олиб, ИИОга жўнатиш билан шуғулланишини айтгани видеоси тарқалганди.
Мазкур ҳолат бўйича Тошкент шаҳар ИИББ текширув ўтказган.
Аниқланишича, ушбу ҳодиса 2021 йил 1 октябрь куни соат 17:00 да Учтепа тумани Тошкент халқа автомобиль йўли Ўрикзор бозори яқинида содир бўлган.
Шундан сўнг, Хуршид Э. жабрланучидан узр сўраб, видеомурожаат қилди.
“Тушунмовчилик бўлиб, видеода айтган гапим нотўғри, акамиз ундай инсон эмас экан. Ўзларидан ҳам узр сўрадим”, - дейди ҳуқуқбузар.
Хабар берилишича, ҳуқуқбузарга нисбатан МЖтКнинг 183-моддаси (БҲМнинг уч бараваридан беш бараваригача жарима ёки ўн беш суткагача маъмурий қамоқ жазоси) бўйича баённома расмийлаштирилди. Тўпланган ҳужжатлар қонуний чора кўрилиши учун судга юборилди.