1 USD = 10757.57 1 EUR = 12074.30 1 RUB = 144.34
БҲМ = 270 000 сўм МҲЭКМ = 822 000 сўм
1 USD = 10757.57 1 EUR = 12074.30 1 RUB = 144.34
БҲМ = 270 000 сўм МҲЭКМ = 822 000 сўм
Спорт
8 октябрь, 10:22 200 0

Ўзбекистонлик оғир атлетикачи қиз Жаҳон чемпионатида иккита медалга эга чиқди

Жидда шаҳрида ўтаётган ўсмирлар ўртасидаги Жаҳон чемпионатида Озода Ҳожиева Ўзбекистон термасига илк кумуш медални ёздириб қўйди.
Ўзбекистонлик оғир атлетикачи қиз Жаҳон чемпионатида иккита медалга эга чиқди
Фото: Туризм ва спорт вазирлиги
Саудия Арабистонининг Жидда шаҳрида бўлиб ўтаётган оғир атлетика бўйича ўсмирлар ўртасидаги Жаҳон чемпионатида ўзбекистонлик спортчи Озода Ҳожиева иккита медалга эга чиқди.

Қизлар ўртасида -55 кг вазн тоифасида Озода Ҳожиева даст кўтариш бўйича 4-ўринни эгаллади.

Аммо силтаб кўтариш машқида Озода Ҳожиева илк уринишида 92 кг, иккинчи уринишида 95 кг оғирликни ўзига бўйсундирди. Охирги уринишда эса 98 кг оғирликни кўтара олмади ва 3-ўринни эгаллади.

Иккикураш бўйича 172 кг натижани қайд қайд этган Озода 2-ўринни эгаллади ва терма жамоа ҳисобига Жаҳон чемпионатининг дастлабки кумуш медалини тақдим этди.

Бунга қадар ўғил болалар ўртасида -61 кг вазн тоифасида Ҳусинбой Матрасулов даст кўтариш машқида 119 кг натижа кўрсатиб, учинчи ўринни эгаллаганди.
Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш Муҳокама қилинаётган барча мақолалар