Жиззах вилояти ИИБ Ахборот хизмати ижтимоий тармоқларда тарқалган икки аёлнинг ўзаро жанжали акс этган видеога изоҳ берди.
Видеода жанжалга аралашган эркаклардан бири аёлнинг сочини юлиб олганини кўриш мумкин.
Аниқланишича, воқеа Жиззах вилояти Ғаллаорол тумани Дўстлик маҳалласида рўй берган. Низога 8 ёшли боланинг фуқаро томонидан қуритишга қўйилган одеялга лой оёғини артиши сабаб бўлган. Буни кўрган одеял эгаси болани қарғаган ва жанжал келиб чиққан.
Воқеа жойига 2 нафар профилактика инспектори етиб бориб, келишмовчиликни баратараф қилиш чораларини кўрган. Ҳолат бўйича терговга қадар текширув олиб борилмоқда.