“Тошкент метрополитени” УК Матбуот хизматининг хабарига кўра, профилактик ишлар олиб борилиши муносабати билан, “Олмазор” – “Сергели” йўналишида поездлар қатнови 25 сентябрь соат 21:00 дан 26 сентябрь соат 07:00 гача вақтинча тўхтатилади.
Ушбу йўналиш бўйича автобуслар ҳаракати йўлга қўйилади. Метрополитен йўловчилари мазкур йўналишдаги автобуслардан йўлкира ҳақисиз фойдаланиши мумкин бўлади.