ИИВ ЙҲХББ Матбуот хизматининг хабарига кўра, жорий йилнинг 11 сентябрь куни Тошкент шаҳар ЙПХ инспектори А.Жўрақулов хизмат вазифасини суиистеъмол қилиб, Янгиҳаёт тумани ТХАЙ-Бунёдкор кўчалари айланма ҳаракати яқинида Lacetti (01 606 VSC давлат рақам белгили) хизмат автомобилининг салонида ухлаб қолган.
Шу вақтда фуқаро томонидан унинг ухлаб ётгани тасвирга олинаётганда инспектор автомобилдан тушиб, номақбул ҳаракатлар қилиб, сигарет чеккан.
Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан хизмат текшируви ўтказилмоқда.