Ўзбекистонда август ойидан ўзбек-хитой вакцинаси ишлаб чиқарилиши ҳақида хабар бергандик. Унга кўра август ойидан ойига 10 млн доза вакцина ишлаб чиқарилса, кейинчалик бу кўрсаткич йилига 300 млн дозагача олиб чиқилади.
Инновацион ривожланиш вазирлиги хабарига кўра, вакцина ишлаб чиқариш ҳажми вакцинага бўлган талабга кўра белгиланади.
Қайд этилишича, бу вакцинани қўшни давлатларда тижоратлаштириш имконияти Ўзбекистонга тақдим этилган. Шу боис вакцина тақчиллиги кузатилаётган давлатларга сотиш бўйича музокаралар олиб борилмоқда.