Бош прокуратура департаментининг маълумотига кўра, Тошкент шаҳар Яккасарой туманида “G” МЧЖ раҳбари ва бошқалар “B” МЧЖ раҳбарининг ишончига кириб, унга “Керамогранит плитка” маҳсулотини 30 кун ичида етказиб беришни ваъда қилган.
Улар бунинг эвазига “B” МЧЖ ҳисобидан 1,1 млрд сўмини “G” МЧЖ ҳисоб рақамига ўтказишни сўраган.
Қайд этилишича, “G” МЧЖ раҳбари ва унинг шериклари 2020 йил 25 декабрдан шу кунга қадар маҳсулотларни етказиб бермасдан, сўралган пулни ўз эҳтиёжлари учун сарфлаб юборган.
Мазкур ҳолат юзасидан ЖКнинг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.