Хоразм вилояти божхона бошқармаси “Урганч” аэропорти чегара божхона пости ходимлари томонидан хорижга учиб кетаётган фуқаро С.Р. ўзи билан 1724 йилда ва 1870-1970 йилларда зарб этилган тарихий тангаларни олиб кетишга уринганида тўхтатиб қолинди. Бу ҳақда Давлат божхона қўмитаси Матбуот хизмати хабар берди.
Ашёвий далил сифатида вақтинча сақловга олинган қадимий тангалар Хивадаги Ичан-Қалъа давлат музей-қўриқхонаси фонди тасарруфига топширилди.
Қайд этилишича, ўтган 6 ой давомида “Урганч” аэропортида 7 та ҳолатда 18 дона қадимий танга ва орденлар республика ҳудудидан ноқонуний олиб чиқиб кетилиши олди олинган.