Бугун, 24 май куни соат 09:30 ларда Ангрен шаҳрида “Наманган – Тошкент” йўналиши бўйича ҳаракатланаётган MAN юк автомобили бошқарувни йўқотади, дея хабар берди ФВВ Матбуот хизмати.
Юк автомобили ағдарилиб, ўзидан олдинда темир йўл кесишмасига етмай тўхтаган. Натижада иккита Lacetti, Cobalt, Gentra, Matiz ва иккита Nexia-3 билан тўқнашиб ЙТҲ содир қилган. Оқибатда Lacetti’лардан бири ёниб кетган.
ЙТҲ натижасида 5 нафар фуқаро воқеа жойида вафот этган ҳамда 4 нафар фуқаро турли даражадаги тан жароҳати олган, фуқароларнинг шахсига аниқлик киритилмоқда.
Тан жароҳати олган фуқаролар Ангрен шаҳар Тиббиёт бирлашмасига ётқизилган. Содир бўлган ҳодиса бўйича дастлабки терговолди текширув ишлари олиб борилмоқда.