Жорий йилнинг 22 май куни соат 19:20ларда, Фарғона вилояти, Қува тумани, Пахтакор МФЙда жойлашган “Шаффоф” номли автотранспорт воситаларига газ қуйиш шахобчасида 1986 йилда туғилган Т.А. бошқарувида бўлган “Ваз-2101” русумли автомобилнинг газ баллонида портлаш содир бўлган. ИИВ ЙҲХБ хабарига кўра, портлаш газ тўлдирилаётган вақтда юз берган.
Натижада, яқин атрофда турган фуқаролар, 32 ёшли Т.Ф. ҳамда 58 ёшли А.Х.лар турли даражадаги тан жароҳатлари билан шифохонага олиб кетилган.
Мазкур ҳодиса юзасидан туман ИИБ ЙҲХБ ва ФВБ томонидан суриштирув ҳаракатлари олиб борилмоқда.