7–12 май кунлари орасида содир бўлган ҳамда маҳаллий ОАВларда эълон қилинган ЙТҲларда республика бўйича 27 нафар фуқаро ҳалок бўлди:
7 май. Жиззах вилояти Шароф Рашидов туманида Isuzu ва КамАЗ иштирокида ЙТҲ содир бўлди. 1 киши вафот этди.
8 май. Қашқадарё вилояти Касби туманида Nexia ва “Жигули” тўқнашиб кетди. Автоҳалокат бир йўла 7 киши вафот этди. Улар орасида 1 ва 4 ёшли болалар ҳам бор.
8 май. Бухоро вилояти Когон туманида Nexia ва Т28 трактори иштирокида ЙТҲ содир бўлган. 1 киши вафот этди.
8 май. Самарқанд вилояти Иштихон туманида Nexia дарахтга бориб урилган. 1 киши вафот этган.
9 май. Самарқанд вилояти Пайариқ туманида Damas ва пиёда ўртасида ЙТҲ содир бўлган. 1 киши – 9 ёшли бола вафот этган.
10 май. Тошкент шаҳри Янгиҳаёт туманида Spark пиёдани уриб юборди. 1 киши – пиёда воқеа жойида вафот этди.
10 май. Фарғона вилояти Бешариқ туманида Cobalt ҳайдовчиси қувиб ўтиш қоидасини бузиб, ЙТҲ содир этган. Оқибатда 1 киши – ҳайдовчи вафот этган.
10 май. Фарғона вилояти Ёзёвон туманида 2 та Cobalt иштирокида ЙТҲ содир бўлди. Натижада 6 нафар фуқаро – икки оила вакиллари вафот этди.
11 май. Қорақалпоғистон Республикаси Нукус шаҳрида Cobalt, Nexia ва Damas ўзаро тўқнашиб кетган. Aвария натижасида жами 6 киши ҳалок бўлган.
12 май. Наманган вилояти Норин туманида Nexia “УАЗ” билан тўқнашиб кетган. Натижада 2 киши вафот этган.
Маълумот учун, жорий йилнинг дастлабки 3 ойи давомида жами 1491 та ЙТҲ содир этилган бўлиб, 1168 нафар шахс турли даражада тан жароҳатлари олган, 394 киши ҳалок бўлган.