Мазкур ЙТҲ жорий йилнинг 8 май санасида тахминан соат 22:10 да Қашқадарё вилояти Касби туман Тошқўрғон маҳалласи ҳудудидан ўтувчи 4р-92 “Қарши-Таллиқўрғон-Касби-Жейнов” автомобиль йўлининг 26 км.да содир бўлган. Бу ҳақида туман ҳокимлиги хабар бермоқда.
Ҳаракат қоидаларини қўпол равишда бузиб, катта тезликда келаётган “ВАЗ 2101” автомашинаси йўлнинг қарама-қарши томонидан катта тезликда ҳаракатланаётган Nexia автомашинаси билан тўқнашади.
Мудҳиш автоҳалокат бир йўла 7 кишининг умрига якун ясади. Яна икки нафари шифохона тўшагида ҳаёт учун курашмоқда.
Энг ачинарлиси вафот этганларнинг икки нафари гўдаклар, бири 1 ёшли яна бири эса 4 ёшли. Қолганлари ҳали қирқ ёшга ҳам етмаган шахслар эди.
Тирик қолган ҳайдовчилардан бири, машинани бошқаришдан олдин 100-200 гр спиртли ичимлик ичганини тан олган.