1 USD = 10567.60 1 EUR = 12593.41 1 RUB = 146.40
БҲМ = 245 000 сўм МҲЭКМ = 747 300 сўм
1 USD = 10567.60 1 EUR = 12593.41 1 RUB = 146.40
БҲМ = 245 000 сўм МҲЭКМ = 747 300 сўм
Сиёсат
12 май, 17:46 818 0

Ўзбекистон Шарқий Қуддусдаги вазият кескинлашганидан хавотирини билдирди

Ўзбекистон томонларни можарони ҳал этиш бўйича барча имкониятларни сафарбар этишга чақирган.
Ўзбекистон Шарқий Қуддусдаги вазият кескинлашганидан хавотирини билдирди
Фото: Mahmoud Illean/The Associated Press
ТИВ хабарига кўра, Ўзбекистон томонларни зўравонликка чек қўйиш, вазиятни беқарорлаштиришдан сақланиш ва бундан буён қон тўкилишига йўл қўймаслик ҳамда мусулмон олами учун муқаддас ҳисобланган Ийд ал-Фитр арафасида можарони ҳал этиш бўйича барча имкониятларни сафарбар этишга чақирди.

“Aл-Aқсо масжиди ва Қуддусдаги бошқа муқаддас қадамжоларнинг дахлсизлигини – статус-квога риоя этилишини таъминлаш зарур, деб ҳисоблаймиз”, - дейилади ТИВ баёнотида.

Баёнотда шунингдек, Фаластин – Исроил муаммоси халқаро ҳуқуқ меъёрлари, БМТ Хавфсизлик Кенгаши томонидан аввал қабул қилинган резолюциялар ҳамда “икки халқ учун икки давлат” тамойили асосида ҳал этилиши лозимлиги таъкидланган.

Эслатиб ўтамиз, вазият ўтган ҳафтада Рамазон ойининг сўнгги Жума намозини ўқиш учун Ал-Ақсо масжидига келганлар ва полиция ўртасидаги жанжалдан кескинлашиб борди.
Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш
Муҳокама қилинаётган барча мақолалар