Излаш
RUUZ

Сиёсат

Энди вазирлар, ҳокимларга 490 млн сўмдан қиммат автомобиль берилмайди

Ҳукумат қарори билан амалдорларга хизмат автомашиналарини бириктириш меъёрлари тасдиқланди.

995views0replies
0

Юрий Ким / UzNews.uz

2021 йил 29 апрелда “Давлат бошқаруви ва маҳаллий давлат ҳокимияти органларида хизмат автотранспортларидан фойдаланиш тизимини тубдан такомиллаштириш чора-тадбирлари тўғрисида”ги Ҳукуматнинг қарори қабул қилинди.
Унга кўра, давлат бошқаруви ва маҳаллий давлат ҳокимияти органларида хизмат авторанспорт воситаларини бириктириш меъёрлари тасдиқланди. Хусусан, 
–  Вазирлар, давлат қўмиталари раҳбарлари, вилоятлар ва Тошкент шаҳар ҳокимларига бириктириладиган хизмат автотранспортининг энг юқори нархи — БҲМнинг 2000 баравари (490 млн сўм)дан;
–  Уларнинг ўринбосарлари хизмат автотранспортининг энг юқори нархи — 1500 баравари (367 млн 500 минг сўм)дан;
–  Туман ва шаҳар ҳокимлари хизмат автотранспортининг энг юқори нархи — БҲМнинг 1000 баравари (245 млн сўм)дан;
–  Давлат бошқаруви органларининг Қорақалпоғистон Республикаси, вилоятлар, Тошкент шаҳар бўлинмалари раҳбарлари, шунингдек, туман, шаҳар ҳокими ўринбосарлари хизмат автотранспорти нархи — БҲМнинг 700 баравари (171 млн 500 минг сўм)дан  ошмаслиги белгиланди.
Шунингдек, давлат бошқаруви ва маҳаллий давлат ҳокимияти органларида хизмат автотранспортларини янгисига алмаштириш ҳамда уларнинг тизимидаги ташкилотларга ўтказиб бериш автотранспортдан камида 5 йил фойдаланилгандан сўнг амалга оширилиши мумкинлиги белгиланди. Аммо фойдаланишга яроқсиз ҳолга келган автотранспорт воситалари бундан мустасно бўлмоқда.
Ҳужжатга мувофиқ, давлат ташкилотларида фойдаланишда мавжуд бўлган хизмат авторанспортлари 2 ой ичида хатловдан ўтказилади ва белгиланган меъёрлар бўйича лимитдан ортиқча бўлган хизмат автотранспортлари рўйхати шакллантирилади. 
Шакллантирилган рўйхат асосида ортиқча хизмат автотранспорт воситалари 2021 йил 1 августга қадар электрон аукцион савдоларига қўйилади.
Бундан ташқари, давлат органлари ходимларининг шахсий автомобилларидан хизмат мақсадларида фойдаланганликлари учун компенсация тўлаш тартиби 3 ой ичида ишлаб чиқилади.
995views0replies
0

Изоҳлар