Махсус комиссиянинг кенгайтирилган йиғилишида апрель ойи охиригача яна бир миллион донадан зиёд вакцина олиб келиниши кутилаётгани айтилди.
Бундан ташқари, йиғилишда бош вазир Абдулла Арипов Ўзбекистон олимлари ҳам вакцина ишлаб чиқариш бўйича жиддий изланиш олиб бораётганини қайд этди.
– Ҳозирда Ўзбекистон вакцинасини ишлаб чиқариш бўйича иккита илмий марказимиз – Инновацион ривожланиш вазирлиги ҳузуридаги Илғор технологиялар маркази ҳамда Фанлар академиясининг Геномика ва биоинформатика маркази иш олиб боряпти. Ушбу вакцина ҳозир белгиланган, маълум бир стандартларга мослаштирилган ҳайвонларда клиниколди синовлардан ўтказилмоқда, - деди Абдулла Арипов.