Бош прокуратура хабарига кўра, Қарши тумани прокуратураси томонидан Қарши давлат университетининг физика-математика факультетида тўлов-контракт асосида иккинчи курсда ўқиётган талаба ўзини осиб қўйиши юзасидан қўшимча терговга қадар текширув ҳаракатлари ўтказилмоқда.
Маълум қилинишича, ушбу ҳолат бўйича Қарши тумани прокуратураси томонидан 27 февраль куни жиноят ишини қўзғатишни рад қилиш тўғрисида қарор қабул қилинган.
Аммо, ижтимоий тармоқларда унинг қишки сессия имтиҳонларидан ўтолмаганлиги, ундан ўтиш учун ўқитувчи йирик миқдорда пора сўраши талабанинг ўз жонига қасд қилишига сабаб бўлгани айтилганди.