Қирғизистон президенти матбуот котиби Галина Байтерек Садир Жапаровнинг Ўзбекистонга давлат ташрифи натижаларига изоҳ берди.
Унинг маълум қилишича, қирғиз-ўзбек давлат чегараларини делимитация ва демаркация қилиш масалаларини томонлар яқин уч ой ичида тугатади.
Тез орада чегарадаги еттита назорат пунктлари қайта очилади.
Шунингдек, Ўзбекистон баҳсли Ункур-Тоо ҳудудига даъво қилмайди. Мазкур ҳудуд чегара атрофидаги аҳоли ўртасида зиддиятларга сабаб бўлиб келаётганди.
Қирғизистон эса Сўх анклави билан авиақатновларни очишга тайёр.
Қайд этилишича, давлат чегараларини делимитация қилиш билан боғлиқ қолган баҳсли масалаларни махсус комиссия ҳал қилади.
Эслатиб ўтамиз, Садир Жапаровнинг давлат ташрифи доирасида умумий қиймати 127,6 млн АҚШ долларлик савдо ва инвестицион шартномалар имзоланди.