1 USD = 10473.07 1 EUR = 12426.30 1 RUB = 135.81
БҲМ = 245 000 сўм МҲЭКМ = 747 300 сўм
1 USD = 10473.07 1 EUR = 12426.30 1 RUB = 135.81
БҲМ = 245 000 сўм МҲЭКМ = 747 300 сўм
Жамият
3 март, 18:44 810 0

Уйларнинг бир квадрат метрини 4 миллион сўмдан оширмаслик вазифаси қўйилди

Давлат раҳбари бу борада тегишли идора ва ташкилотлар раҳбарларига топшириқлар берди.

Уйларнинг бир квадрат метрини 4 миллион сўмдан оширмаслик вазифаси қўйилди
Фото: president.uz

Бугун, 3 март куни президент Шавкат Мирзиёев раислигида ўтказилган видеоселектор йиғилишида давлат раҳбари энг катта масала – бу уй-жойларнинг нархини адолатли шакллантириш эканлигини, бугунги нарх-наводан одамлар рози эмаслигини ва бу борада ҳокимлар масаланинг ичига кирмагани ҳақида тўхталиб ўтди.

–  Шунинг учун, вилоят ва туман ҳокимлари бир квадрат метр уй нархини 4 миллион сўмдан оширмаслик учун барча зарур чораларни кўриши керак.

Бунда ҳар бир туман, шаҳар ва вилоят ҳокими ўз ҳудудидаги қурилиш ичига кириб, қайси қурилиш материалларини арзонроқ ва яқинроқдан олиш мумкин, цемент ва металл нархини қандай пасайтирса бўлади, деган саволларнинг жавобини топиши керак.

Ҳозирги қурилиш таннархида темирбетон ишлари – 32 фоиз, бўёқ ва безатиш – 28 фоиз, ободонлаштириш – 8 фоиз, электромонтаж ишлари 5 фоизни ташкил этади. Мисол учун, "бетонний узел" қўйиб, қурилиш учун бетонни арзон ва сифатли таъминлаш, базальт изоляцияси, газобетон блокларини жойларда ишлаб чиқариш орқали таннархни камайтириш бўйича қайси ҳоким бош қотиряпти?
– деди Шавкат Мирзиёев.

Шунингдек, давлат раҳбари бу борада тегишли идора ва ташкилотлар раҳбарларига топшириқлар берди.

–  Ҳар бир вилоят, туман ва шаҳар ҳокими икки ҳафта муддатда ўз ҳудудида қурувчилар, қурилиш материаллари ишлаб чиқарувчилар, банкларни йиғиб, аниқ калькуляцияларни ишлаб чиқиши керак. "Ўзстандарт" агентлиги бир ой муддатда жойларга чиқиб, ҳар бир ҳудудда газобетон ишлаб чиқарувчиларни стандартларга ўргатиб, маҳсулотларини сертификатлаш дастурини амалга оширади", - деди давлат раҳбари.

Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш
Муҳокама қилинаётган барча мақолалар