“Ўзбекистон темир йўллари” АЖ Матбуот хизмати хабарига кўра, ички йўналишлардаги йўловчи поездлари тарифига 21-23 март ва 1-4 сентябрь кунлари фуқароларнинг қуйидаги категорияларига байрам чегирмалари берилади.
- Нафақахўрлар, ногиронлар, 1941-1945 йиллардаги уруш қатнашчилари ва уларга тенглаштирилган шахслар учун – 50%;
- Олий ўқув юртларининг талабалари, мактаб ўқувчилари, коллеж ва лицей талабалари, ИИВ, МВ, ДХХ, ДС, ДБ махсус таълим муассасалари талабалари учун – 15%;
- Оилавий (2 ёки ундан ортиқ киши – эр ва хотин, эр ёки хотин ва 18 ёшгача бўлган фарзандлар, эр ёки 18 ёшга тўлмаган боласи бўлган она (никоҳ гувоҳномаси ва қариндошликни белгиловчи ҳужжатлар нусхаси тақдим этилган ҳолда) учун – 15%;
- Коллектив (ҳамкасбларга) (4 кишидан ортиқ - йўриқнома асосида) учун – 15%;
- “Aфросиёб” тезюрар электропоездларида барча тоифадаги йўловчиларга - 10%.
Қайд этилишича, имтиёзли бўлган чипталарни фақат темирйўл кассаларида харид қилиш мумкин. Электрон чипталарда белгиланган чегирмалар расмийлаштирилмайди.