Ургут туманида жойлашган умумий ўрта таълим мактаби спорт залида “M.” МЧЖ томонидан амалга оширилган қурилиш ишлари назорат ўлчовидан ўтказилди.
Бош прокуратуранинг UzNews.uz’га маълум қилишича, ушбу ҳолатда жамият раҳбарлари ва бошқалар амалда бажарилмаган ишларни ҳужжатларга қўшиб ёзиш орқали 425,3 млн сўм бюджет маблағларини ўзлаштириш йўли билан талон-торож қилган.
Ушбу ҳолат бўйича “M.” МЧЖ раҳбарлари ва бошқаларга нисбатан Жиноят кодексининг 167-моддаси 3-қисми билан жиноят иши қўзғатилиб, тергов ҳаракатлари ўтказилмоқда.