Кўпчилик талаба-ёшларнинг мурожаатлари инобатга олиниб, жорий йилнинг 17 февраль кунидан талабалар Ургут туманида Тожикистон билан чегарада жойлашган “Жартепа” чегара божхона пости орқали ҳаракатланишларига рухсат берилди.
Бу ҳақда маълум қилган Давлат божхона қўмитасининг эслатишича, пост орқали ҳозирча фақат Самарқанд вилоятида фаолият юритаётган тадбиркорлик субъектларининг экспорт-импорт операцияларини амалга оширишлари учун халқаро юк ташувчиларнинг юк автотранспорт воситалари ҳамда талабалар ҳаракатланиши белгиланган.
Маълумот учун, пандемия сабабли шу кунга қадар талабалар Тожикистон Республикасига фақатгина “Сариосиё”, “Ойбек” ва “Плотина” чегара ўтказиш пунктлари орқали ҳаракатланиши мумкин эди.