1 USD = 10538.53 1 EUR = 12879.14 1 RUB = 143.31
БҲМ = 245 000 сўм МҲЭКМ = 747 300 сўм
1 USD = 10538.53 1 EUR = 12879.14 1 RUB = 143.31
БҲМ = 245 000 сўм МҲЭКМ = 747 300 сўм
Жамият
27 январь, 19:07 1659 1

Президент ҳудудлардаги қатор давлат идоралари раҳбарларига қўшимча вазифа юклади

Энди улар тегишлича ёшларнинг муаммосини ўрганиш ва ҳал этиш масалалари билан ҳам шуғулланадилар. 

Президент ҳудудлардаги қатор давлат идоралари раҳбарларига қўшимча вазифа юклади
Фото: president.uz

Бугун, 27 январь куни Шавкат Мирзиёев раислигида видеоселектор йиғилиши бўлиб ўтмоқда. Унда ёшлар бандлигини таъминлаш ва бўш вақтларини мазмунли ташкил этиш чора-тадбирлари муҳокама қилиняпти.

Йиғилишда бугунги кунда мамлакатда аҳолининг қарийб 55 фоизини ёшлар ташкил қилиши, шу билан бирга уларнинг муаммолари ҳам етарлича эканлиги таъкидланди.

Президент мазкур муаммоларни ҳал этишда иккита муҳим йўналишга эътиборни қаратиш зарурлигини таъкидлади. Биринчиси – ёшлар тадбиркорлигини қўллаб-қувватлаш, касб-ҳунарга ўқитиш орқали уларнинг бандлигини таъминлаш бўлса, иккинчиси – ёшларнинг бўш вақтини мазмунли ташкил этишдир.

Шунингдек, бугунги кунда 18-30 ёшлилар орасида расмий ишсизлик 17 фоиз экани қайд этилди.

Йиғилишда бу муаммоларни манзилли ҳал этиш учун ҳар бир туман ва шаҳар кесимидаги устувор вазифалар кўрсатиб ўтилди.

Унга мувофиқ,

–  ҳокимнинг иқтисодиёт, инвестициялар ва қишлоқ хўжалиги бўйича ўринбосарлари – бандлик масалаларига;

–  солиқ идораси, савдо-саноат палатаси ва тижорат банклари раҳбарлари – ёшларни тадбиркорликка жалб қилишга;

–  ҳокимнинг ёшлар масалалари бўйича ўринбосари – ёшларнинг бўш вақтини мазмунли ташкил этишга;

–  туман прокурори, ички ишлар ва мудофаа бўлими бошлиқлари – уюшмаган ёшлар билан ишлаш, жиноятчиликни жиловлаш, уларда ватанпарварлик туйғуларини шакллантиришга масъул бўлади.

изоҳлар
  • Husrav Botirov
    Husrav Botirov 27 январь, 19:49

    Барака топинг. Биз ёшларни ўйлаганингиз учун катта рахмат. Ишонаманки бу саъй-харакатлар узок кишлок ахолисига хам етиб боради

Янгилик қўшиш Мавзу бўйича қизиқарли ва маъноли фикрлар қабул қилинади.
Янгилик қўшиш
Муҳокама қилинаётган барча мақолалар