Янгиланган Chevrolet Tracker’нинг нархи ва характеристикаси маълум бўлди — фото
Компания янги Tracker бугундан сотувга чиқарилгани ва унинг хусусиятлари ҳақида маълумот берди.
UzAuto Motors 25 январдан бошлаб Ўзбекистонда янги Chevrolet Tracker сотувга чиқарилганини маълум қилди.
Янгиланган Tracker панорама люк, LED чироқлар ва 8 дюймлик сенсорли экранга эга бўлган аудио тизим билан жиҳозланган. Бундан ташқари, автомобилда динамик тўхташ чизиқларига эга орқа камера, катта сиғимли юкхона ва бошқа қулайликлар бор.
Техник хусусиятлари:
— замонавий уч цилиндрли ECOTEC турбомотор;
— аралаш циклдаги ёқилғи сарфи 5,5 л / 100 км, қуввати 123 от кучи;
— 6 поғонали автоматик узатмалар қутиси;
— калитсиз салонга кириш ва двигателни ишга тушириш;
— ёқилғи сарфини тежашга мўлжалланган STOP-START интеллектуал тизими;
— янгиланган ва катта ҳажмли юкхона.
Нархи:
Автомобиль 25 январдан қуйидаги комплектацияларда, CHEVROLET стандартлари талабларига тўлиқ жавоб берадиган дилерлик марказларида мавжуд:
— бошланғич комплектация: 145 130 000 сўмдан бошланади;
— LT комплектация: 193 043 478 сўм.
Қайд этилишича, бошланғич комплектациядаги автомобилни сотиб олиш истагини билдирган харидорлар дилерлик ташкилотлари ёки info@uzautomotors.com электрон манзилига сўров қолдиришлари лозим. Етарли миқдордаги сўровлар жамланганидан сўнг, компания ушбу автомобилларни харидорларга етказиб берилишини таъминлайди.
Эслатиб ўтамиз, 2020 йил 12 декабрь куни General Motors SAIC-GM қўшма корхонаси 290 дона янги Chevrolet Tracker автомобилларини Ўзбекистонга жўнатганди.
Nexia иштирокидаги ЙТҲда 3 киши куйиб ҳалок бўлди
“Пахтакор” илк марта Ўзбекистон Суперкубогини қўлга киритди — фото
Тўрткўлда 5 нафар фуқаро ис газидан заҳарланиб вафот этди