20 январь куни соат 11:45 да “Янги Ангрен” ИЭСдаги портлашда уч киши олган тан жароҳатлари оқибатида вафот этганди.
Энергетика вазирлиги уларнинг оила аъзоларига дафн маросимини ўтказиш учун 20-21 январь кунлари 4 миллион 866 минг сўмдан биринчи моддий ёрдам кўрсатилганини маълум қилди.
Шунингдек, 22 январь куни “Янги Ангрен” ИЭС томонидан вафот этганларнинг оила аъзоларига қўшимча равишда 105 миллион сўмдан моддий ёрдам кўрсатилди.
Кеча, ижтимоий тармоқларда мазкур ҳодиса оқибатида ҳалок бўлганларнинг қариндошлари томонидан ҳеч қандай моддий ёрдам пули берилмади деган мазмундаги видеомурожаат тарқалганди.